Мектебімізде 6 «А», «Ә»,  «Б», «В» сыныптар қыздары арасында «Өнер—таусылмас азық» тақырыбында дөңгелек үстел өткізілді. Әр адамның өзінің бойына ерекше біткен таланты болады. Соның бірі - өнер. Өнер – халық тарихының шежіресі. Осы өнер арқылы өмірдің кең тынысы, тіршілік құбылыстары, адамның әр түрлі сезімі бейнеленеді. Сөз, әуен, қолөнер адам өмірінің сан ғасырлық тарихынан көптеген нәрсені көрсетіп, алуан түрлі сыр шертеді. Қазақ халқының басынан өткен сан қилы замандар, оның тіршілігі мен дағдарысы, салт-дәстүрі, санасы, өмір сүрген ортасы, әдет-ғұрпы арқылы ұлттық өнер ұрпақтан- ұрпаққа жалғасып, болашақ үшін тарих сахнасына айналды.