17.12.2025 жылы мектебімізде 8–10 сынып оқушылары арасында «Ұшқыр ой алаңы» мектепішілік дебат турнирі ұйымдастырылды.
Іс - шара барысында мектебіміздің алты фракциясы өз білімдері мен логикалық ойлау қабілеттерін танытып, жан - жақты талқылаулар жүргізді. Дебат тартысты да қызықты өтті. Оқушылар білімдерін шыңдап, дүниетанымдарын кеңейте түсті.
Қазақ халқының қыз бала тәрбиесіне қатысты салт-дәстүрлері, «қызға қырық үйден тыйым», ибалық пен инабаттылық, ар - намыс құндылықтары туралы маңызды пікірлер ортаға салынды. Қыз баланы қонақ деп санап, бетінен қақпай өсіргенімен, оның киім киісіне, жүріс-тұрысына, үлкенге құрмет, кішіге ізет көрсету тәрбие құндылығы ретінде айтылды. «Есті қыз етегін жауып жүреді» деген тағылымды сөздер аясында қазақ қызының жан және тән сұлулығы жайлы көзқарастар талқыланды.
Турнир барысында оқушылардың танымдық қызығушылығын арттыру, ұлттық құндылықтарды дәріптеу және сөйлеу мәдениетін дамыту мақсатында жұптық ойын элементтері қолданылды. Пікірталас америкалық парламенттік форматта (АПФ) өткізілді.
Төрешілер шешімі бойынша:
• Бас жүлде – «Ел болашағы» фракциясы
• I орын – «Үркер» фракциясы
• II орын – «Нық позиция» фракциясы
• III орын – «Аргументатор» фракциясы
• «Үздік спикер» номинациясы – Өмірбай Әйгерім
• «Үздік талпыныс» номинациясы – Қабланбек Назерке
Дебатқа қатысушылардың білім парасаты мен азаматтық ұстанымдары айқын көрініс тапты.